A ganz großer Dank!

Bsundas mecht i mi bei de zwoa Musikantn bedanga, de umasunst gschbuit ham.

Des warn da Stefan Eglseer mit da Ziach und da Elmar Walter mit da Tuba. Selba hob i a a boor gschbuit, wenn no wos obganga is, und wenn's ned z'schwar gwen san.
De Reihenfolge is ungefähr a so, wia mia de Plattler noch da Reih glernt habm.

De Plattlermusi-CD hob i gmacht fia de Prob, wenn da Musikant ned Zeit hot oda selba mitdoa soid.
Es is scho klar, daß a echte Musi bessa is, scho a desweng, weil gwieß ned jeda Plattler oda Danz fia jedn Verein passt!Fia d'Not und fia Dahoam soid hoit wos do sei, daß ma a probm ko.

A boor bekannte Plattler gehn o, weil dia gemapflichtig san (Amboßpolka, Gaumarsch...).
A Marschmusi hob i a weglossn, weils scho a CD gibt.

Oans mecht i z'letzt's no song: "Grod" fia's Preisplattln probm is ois Trachtler z'wenig. D'Sitt, de eigene Freid und s'Brauchtum, is genau so wichtig, sunst wead aus de Trachtenvereine a Sportverein, de wo grod z'weng an Geld auftretn und dabei olles Andere ois wia unsa Brauchtum weidagebm.
Wem de CD's gfoin, der konn se's ja kaffa, und Dene, wo's ned gfoit, wean's scho ned braucha!
I wünsch Euch vui Freid damit!

Zum Einihean bitte auf " MP3 - Downloads " geh!!